|
مرت أيام وأسابيع وأخاف تمر شهور
|
|
|
|
صديقي أحمد عاشور مختفي عن الظهور
|
|
اللهم اجعله خير تأخيرك يا أحمد يا عاشور
|
|
|
|
الشيطان وسوس لي اسأل عنه في المستشفى والشرطة والمرور
|
|
فال الله ولا فالك أعوذ بالله يا شيطان غور
|
|
|
|
اتصلت بشركته عشان مشعرش بأي قصور
|
|
رد عليّ واحد هندي جاوبني ببرود وفتور
|
|
|
|
قال لي هو أجازة ممكن في مصر واجد مسرور
|
|
معقول ينزل وما يجيش المزرعة يتسّوق ولا يزور
|
|
|
|
بس أنا ما عرفش هو من القاهرة ولا إسكندرية ولا دمنهور
|
|
كاس إفريقيا خلى الناس فرحانة في الشوارع بتدور
|
|
|
|
اتصلت بالهندي تاني متأكد إنه في أجازة قال لي شور
|
|
مش حاستسلم حادور عليه في أي مكان مغمور أو مشهور
|
|
|
|
اتصلت بزميله قال لي أخوه في العبارة سافر بسرعة معذور
|
|
اتصلت بيه في المنوفية لقيته على أخوه مقهور
|
|
|
|
أخوه عماد كان طيب محترم متواضع مش مغرور
|
|
اتأخر عشان بعد الحج يعمل عمرة ويزور
|
|
|
|
ركب مع 1400 واحد عبارة زي الطير اللي جناحه مكسور
|
|
العبارة هوّت في لحظات واتحولت كباينها إلى قبور
|
|
|
|
نزلت في قاع البحر بين الشُعب المرجانية و الصخور
|
|
غرقوا الله يرحمهم ويجعل ذنبهم مغفور
|
|
|
|
ناس زي الورد الله يصّبر أهلهم وأهل أحمد عاشور
|